عبدالرحمن بن مساعد

[الـــصـــعــــب]

سيد جروحي





سيد جروحي شمس عمري وظلي
البعد طول والخطأ منك واضح
اذا غرورك يمنعك تعتذرلي
تعال جنبي وابتسم لي واسامح
تدري احبك لكن الموت ذلي
ادوس انا قلبي لو الشوق جامح
الله عطاك الحظ واصبحت خلي
والله عطاني اياك طاغى ملامح
سألتني يا ياسميني وفلــــــي
ياكيف يشفى الورد..والشوك جارح
مثل العيون اللي لها كل كلي
زايد حلاها لكن الدمع مالح
وش تنتظر يكفي دلال وتغلي
الوقت ماهو للوصل دوم سانح
مادمت ترحالك ومادمت حلي
ان صرت انا خسران ماصرت رابح
لا تعطي الفرصة لعذالنا اللي
لكل ماهو يهدم الحب طامح
مالك صبر عني ومالي تسلي
والوقت خيل صوب الاجال رامح
سيد جروحي شمس عمري وظلي
الحب بعد وقرب ..مخطي وصافح
اذا غرورك يمنعك تعتذرلي
لاتعتذرلي قول اسمي واسامح

[الـــصـــعــــب]

البرواز



قلتيلي انسى
ومن يومها وانا كل ليلة..قدامي البرواز
حبر العيون ودمع القلم.. في دفتري
وصورتك..رغم الألم..ورغم انها خذت من اطباعك كثير
وخانت البرواز..اشوفها في خاطري
حبيبتي مابيدي حيلة
لاصرتي الصورة..وعيوني البرواز
وشلون ابنسى
اتعبتي الصوره مشاوير
وتعبت انا بلقى لغدرك معاذير
وصورتك اللي سجنت بروازها طول السنين..
كانت جسد وبروازها الروح
ويوم انزعت منها الجسد..تجرحت اطرافها
وبجروحها راحت لمين؟
لبروازها الثاني!!
مسكين..بيسجنك ويبقى سجين
مسكين
تشبهلك اقداره..خانته
وصورتك يجي يوم وتخونه
حبيبتي..أو للأسف حبيبته
لاصرتي الصورة..وجفونه البرواز
وشلون ينسى
حبيبتي لجل أنسى جرحك واستريح..ببكي
وبعد البكى ..ببكي
وأكيد في لحظة بتجي..وبيجف دمعي
وعندها صورتك اللي في عيوني
بتموت من ظلم العطش..
بروازها بيصبح نعش
وبتمرني الدمعة الأخيرة ...تاخذ معاها صورتك وتطيح
وكني بالمسافة تطول مابين عيني..ودمعتي..وخدي
وكني بقلبي الحاير المسكين
نبضه يقول لا تودع الفرقى الدمع مايرقى
وعندها لانزلت الدمعة لمثواها الأخير
وفارقت وجهي
بغمض عيوني..واكسر البرواز
واكيد ابنسى

[الـــصـــعــــب]

اتخيلوا


























يـاالـلي قـريـتوني شـعـر..
وشـفـتـوا مـلامـح حـبـها..
بـيـن الـمـعاني والـحروف ..
يـاالـلي عـرفـتوني صـبر ..
وفـراق.. وجـروح.. وحـزن ..
وظــروف خـانتها الـظروف..
تـــخـــيـــلـــوا..!!
إن الـقـصيد إلـلـي كـتبت ..
كـــــل الــقـصـيـد ..
أصـــبــح كـــــذب..
تـــخـــيـــلـــوا..!!
أصــدق إحـساس فـزماني ..
يــصــبـح كـــــذب ..
تـــخـــيـــلـــوا..!!
إنـي مـاكنت الوحيد في قلبها ..
تـخـيلوا ..!! إنـي الـوحيد ..
إلـــلـــي أبــــــد ..
مـا قـد سـكن فـي قـلبها ..!!
والغريب .. أحبها .. إلى هلحين ..
أحـــــبـــــهــــا..
تـــخـــيـــلــوا ..!!
مــا ودي جـراحي تـطيب ..
لأنـهـا الـشـيء الـوحـيد ..
إلـلي بـقالي منها .. تخيلوا..!!

[الـــصـــعــــب]

الصبر



الـصـبـر...مـالـي انـــــا الا ا لــصــبـر

الـغـدر...وشـلـون جــــاء مـنـهـا الــغـدر

يــاقــلـب ابـــــي مـــنــك الــعــذر

انـا مـا هـقيت ان الـفجر يـقدر يـخون وقـت الفجر

وان الـسـنـين تــقـدر تــمـر ابـــلا عـمـر

لا مـاهـقيت ان الـوفـاء فــي قـلـبها مـاله قـدر

وانــــي انـــا مـحـتـاج مــنـي الـصـبـر

ياقلب ابي منك العذر..وان مارضيت مالي جدى كود الصبر

يـاجـرحي فــي كــل الـدهر فـارقت انـا الـدنيا

يـاطـعنة وســط الـظـهر لابــد انــا انـسـاك

بـنسى ان كـل الـلي راح..بـنسى الـفرح لجل الجراح

بـنـسى قـصـيدي والـشـعر..بنسى سـنيني والـعمر

مـــع الـهـجـر يـمـكـن فــي يــوم اسـلـى

وان مــاســلـيـت او مــــــا نــســيـت

مــنـك الـعـذر..مـالي جــدوى كــود الـصـبر

يـالـلي خـذلـتي مـدمـعي..ان كــان ودك تـرجعي

عـــــنــــدي طــلــب..لاتــرجــعـي

يـالـلي خـذلتي مـدمعي ..وتـنسي الـسعادة والـفرح

وتـتـعـذبـي وبــعــد الــعــذاب تـتـعـذري

[الـــصـــعــــب]

شهر





يـالـلـي تـحـبـيني شـهـر..ثـم تـجـافـيني شـهـر

ثــم تـحنيلي شـهر..وتفكري كـيف الـرجوع كـذا شـهر

وتــرجــعــيـلـي فـــــــي شــــهـــر

مـاقـد خـطر فـي خـاطرك ..ان الـسنة اثـنعشر شـهر

وقـــتــي مـــعــك نــصــفـه هـــمــوم

ونـصـفه الـبـاقي اسـى..ولـو طـبـعك الـقاسي نـسى

وبـالـصدفه جــاء مـره صـباح..وكلمه مـنك فـرحتني

لابــد مــا هـمـس الـجـراح ..تـسمعيني فـي الـمسا

ولــو تـعـتب اجـروحـي عـليك..وتشتكي مـنك الـيك

بـتـرجـعي تـحـبـي شـهـر..ثـم تـجـافيني شـهـر

ثـم تـحنيلي فـي شـهر..وتفكري كـيف الـرجوع كذا شهر

وترجعيلي في شهر..ولا يجي في خاطرك ان السنة اثنعشر شهر

اعـذريـني لــو اقــول ..حـبك نـسى مـعنى الـفرح

اعـذريـني لــو اقــول ..وشـلـون يـذكـرنا الـفرح

مـــادام اذا كـنـتـي قـريـبه..كل تـفـكيري يـكـون

بــعـدك مـتـى..والـى بـعـتـي ابـــلا ســبـب

الاكــيـد بـتـرجـعي..بس الاكــيـد هــذا مـتـى؟

ولــو تـعب مـني الـصبر..ومل مـن صـبري الـعذول

وقـلـت يـانـاس اسـألـوها ..الـحب هـو كـله هـجر

ردك يــجــيــنـي فـــــــي شـــهـــر..

قــالـوا تــقـول "مـايـنـتظر ..بـــس يـشـتـكي

يـصـبـر عـلـي..تـرى الـسـنـة اثـنـعشر شـهـر

[الـــصـــعــــب]

عيونك



عيونك اخر آمالي وليلي اطول من اليم
كيف القى كلام عذب يوصف داخل احساسي
عشقتك قبل ما اشوفك وشفتك صرت كلي حلم
ابي رمشك يغطيني وابيك اقرب من انفاسي
يهمك تعرفي انك قتلتي في سنيني الهم
قتلني ضحكك وجدك قتلني لينك القاسي
رميت اقداري في دربك وصرتي في عروقي الدم
احبك كثر ماسالت دموعي وما نسى ناسي
يجول الحزن في ضلوعي بردت وذاب فيني العظم
كثير من الحطب حولي وعندك انكسر فاسي
سألتك بالذي زانك تحبي فيني حتى الظلم
تحبي عيوبي وغدري تحبي المر في كاسي
انا من كثر ما احبك ابيكي كثر رمل اليم
وابيكي فوق الناس وابي ماينحني راسي

[الـــصـــعــــب]

مساء الخير




مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي

هلا باللي يصيب العطـر بالريب يقول العطـر أنا زايـل ويبقى بي

هلا باللي يقول الورد وش لي به؟ من المهـدى؟ أنـا أو هو لأطيابي

هلا باللي علي يقسى وأمـاريبه هلا باللي أبـد مـا لان لعتـابي

هلا باللي عجـزت ألقى عذاريبه هلا بـاللي تـحبه كل أسـبابي

مسـاءٍ فاق كل الشعـر ترحيبه بجيّة مـن سـكن قلبي وأهـدابي

مساءٍ فاض بالاحسـاس والطيبه مسـاءٍ مـا يليـق إلا بأحبـابي

[احلى صدوووفه]

ربي يعطيك العافيه

احب عبدالرحمن بن مساعد انا

[نوآف]

خليص يعطيك العافيه على هذا الطرح

صح الله لسانك

ولسان الشاعر عبدالرحمن بن مساعد

لك الشكر والتفدير

[الـــصـــعــــب]

احلي

يسلموووو علي المرور وشاكر لكم

[الـــصـــعــــب]

ملك

يسلموووو علي المرور وشاكر لكم