البندري

[الـــصـــعــــب]

مدري علامة




يا صباح الصدق والنية iiالسليمة
يالله اني ما اطلبك غير iiالسلامة

الزمن هذا مفاهيمه عقيمة
هالزمن يكره دروب iiالاستقامة

الصراحة مالها معنى iiوقيمة
والصدوق اعلن مع الوقت انهزامه

من عقب ماكان له قدر iiوحشيمه
صار وسط عيونهم واطي iiمقامه

وبسبب كلمة لقى سب iiوشتيمة
وسلبوه أبسط حقوقه والكرامة

[الـــصـــعــــب]

ياحمامة


ياحمامة كان باقي فيه iiشيمة
وصلي له هرجتي ذي يا iiحمامة

خبريه ان طعنته جداً iiأليمة
يوم يجرحني بفعله iiوبكلامه

علميه ان كلمتي ماهي iiجريمة
فهميه يزيل عني iiاتهامه

وليه يومي كنت بعيونه iiعظيمه
ثار في وجهي.. وانا مدري علامه؟

كانها له حجة ونية iiقديمة
ناوي الفرقا..وفيّ أطلق سهامه

بشريه اني ابد ماني iiمقيمة
وله تحيات الخفوق iiواحترامه

وطمنيه اني بعد بنتٍ iiفهيمه
لي أهل ما عرفوا دروب الرخامة

ما اتبع المقفي ولو هو زاد ضيمه
أحبس بقلبي جروحه iiوالملامه

حتى لو يشعر خفوقي بالظليمة
بأكتم احساس الالم ويا الندامة

وحتى لو أشعر بخذلان iiوهزيمة
بارسم بوجهي علامات iiابتسامة

من صفاتي بالغضب جداً حليمة
وأضبط أعصابي بقوة وبصرامة

هو سأل وانا ردودي مستقيمة
ليه يزعل؟ ليه يبدي في iiخصامه؟

لازم أكذب وأحرمه صدقي iiحريمه؟
لاجل ما يزعل ويبدا في iiشتامه؟

بشريه لساني بيَبدا iiرجيمه
يترك الصدق ويبي يخلي iiنظامه

وابتدي به بالمسايَر iiوالنميمة
لين أعلق رتبة الزيف ووسامه !!

ياصباح الكذب والنية السقيمة
يالله اني ما اطلبك غير iiالسلامة

[الـــصـــعــــب]

بدري



كان ياما كان .. والقلب العليل اللي iiبصدري
لا لمح زولك خفق خفقة عن الباقي غريبة


تنتشي عيني فرح بك وانت عن حالي iiمَتدري
حتى انا مدري ولكن! أشعر لطلتك هيبة


وتتعلّق بك عيوني لين اشوف الزول iiيسري
واتبعك في ناظري واقول : ياربي تجيبه؟


فزتي لك طيش؟ مدري حب؟ مدري حس فطري؟
الوكاد انك نهبت القلب من صدري iiنهيبة!


يعني وش اكثر من اني لا لمحتك فز iiعمري؟
وصار يوم اللي اشوفك عيد عندي واحتفي iiبه!


يوم اشوفك,, احفظ التاريخ ميلادي وهجري
وارسم لعين المحبة قلب به سهمٍ iiيصيبه


و أتهجى كلمة ( ا ح ب ك ) واغنيها iiبشعري
واكتبك بين القوافي واتسمّى لك حبيبه


من كثر ما اسعى لوصلك , اذكر انه كان iiنذري
(لو يجي والله لاجي له لين اصير اقرب iiقريبة)


ومن عقب ذاك التمني عاضني ربي بصبري
وجيت تشكي لي جروح الود والشوق iiولهيبة


نذري اوفيته.. وفي قلبك علا شاني iiوقدري
نلت وصلك ياحبيبي طيب.. iiولابالغصيبة!


ما امداني اشربك واروي ضما روحي iiوعمري
ما دريت الاانت مقفي تلعن الحب وتعيبه!


كيف يقوى قلبك القاسي على صدي iiوهجري
وانت تدري في ليالي عمري بدونك iiكئيبة


من بعد عينك ترا صار البكا لالليل iiيغري
والليالي ترتدي ثوب الالم وتشق جيبه


كل دمعة تنحدر تكتب على الخدين ii(بدري)!
ايه بدري لاتروح القلب دونك ويش ابي iiبه؟


باسألك وشلون تسفه قلب وانته فيه iiتجري
وانت تدري من بعادك دقته صارت iiصعيبة


ان تماديت بجفاك.. بتنقل عظامي iiلقبري
صدتك عني تبرهن لي على ان للحظ iiخيبة!


أسالك بالله ان صدقت او كذّبت iiعذري
لاتزيد الهم في قلبٍ به جروحٍ iiعطيبة


آه لو تدري وش اللي دايمٍ بالبال iiيطري
لاطرالي قلبك وحبٍ تذكرته iiبطيبه؟


يختنق دمعي بعيني وقلبي اللي وسط iiصدري
يرتجي وصلك .. وصارت دقته دقة iiغريبة

[الـــصـــعــــب]

المشكله









المشكلة ماهيب في حرب iiالارهاب
ولاهيب في بوش الحقير iiوعناده


ولاهي في ابن لادن وتفكيره iiالغاب
ولا بامريكا وجيش iiوعتاده


ولاهيب في صدام ضرب(ن) مع iiانشاب
ولا بكيماوي وحرب iiالإبادة





المشكلة








المشكلة






المشكلة باللي شرا بعدي iiوغاب
وبلا وداع(ن) ساق قلبي iiوقاده


المشكلة لي قلب مجروح iiمنصاب
من بعد ما اعلن صاحبي ابتعاده


واحس بي قلبين طالب iiوطلاب
هذا يحس وذا يعاني iiالبلادة


وكل ما نصحت القلب عن عشق الاجناب
قال الهوى ما به ردى او iiنقاده


جرحي وانا ابخص في علاجه iiوالاطباب
مالي مع المقفين ياناس iiراده


مالي معاكم يا المقفين iiمقضاب
من عقب ما حبي نكرتوا وداده


اثر الخيانة طبع(ن) لعكف الاشناب ii؟
دايم يغير سلوته مع iiمراده


واليا شبع من ود تلعات iiالارقاب
راح وهجرهن ما حسب iiللنكاده


مثلت لي دور الحبيّب يا كذاب
بدور البطولة تستحق iiالاشادة


مشيت انا لك في دروبك iiوالاصعاب
ورديت وحدي دون اي iiاستفادة


بعت الاهل.. بعت الجماعة iiوالاصحاب
عطيتك اللي ترغبه iiوبزياده


لاجلك تحملت المصايب iiوالاتعاب
لاجلك سهر جفني وزاد بسهاده


ورديت كل منهو عنا البيت iiخطّاب
لجل يتحقق معك حلم iiالسعادة


العالم الله رغبتي كتب iiالكتاب
واكون لك حل(ن) حلال(ن) iiوداده


لكن في ليله غداالقلب iiمرتاب
عدا علي الموت بس.. iiبركادة


يوم(ن) تحطم حلم ترفتك ثم iiذاب
قلب(ن) عنا لك صادق(ن) في جهاده


يومك على غفلة تلويت iiكالداب
لدغتني. قرصتني.. iiوبعماااده


واليوم انا دمعي على الخد iiسكاب
ولا عاد لي صبر(ن) عليك iiوجلاده


ومن البكا رمش العيون اللذي iiشاب
يبكي بليل(ن) حالك(ن) في سواده


يشكي لرب(ن) ما غفل عنك او iiغاب
الله حسيبك ياقوي iiالارااده


عندي سؤال(ن) عقب فيك الرجا iiخاب
وش فايدتك بجرح ترفة iiوغادة؟


يومك غديت لطعنه القلب iiجلاب
وزينت جيدي من جروحك iiقلادة


قلبي جريح( ن) وانت ناب(ن) iiومخلاب
قلبي صويب(ن) وانت حيل iiتتمادى
؟
؟

؟


شفتوا بان المشكلة مو iiبالارهاب
المشكلة قلبي صدق في iiوداده

[الـــصـــعــــب]

انزعاجات المـلا




يا القصايد لاتهابين iiالسدودي
دوك قافي والحروف iiالابجدية

جيبي العيد وتفاصيلي iiوجودي
وفسري بعض المواقيف iiالخفية

ايه لي مده وانا حيلي iiمهدودي!
وحدي أواجه جماعات iiوسريه

ان غضيت الطرف وابديت iiالصدودي
زاد شر الناس .. كيه فوق iiكيه

وان تجاهلت وصفوني iiبالشرودي
وان تسامحت اشعلوها نار iiحية!

كنّي مابين الذيابة iiوالاسودي
واحتراسي شي مفروضٍ iiعليه

ذاك يستنكر ويتتبع iiردودي
يطعنن من باب غيرة او iiحمية!

وذاك بالسر يتوعّد iiبالوعودي
يحسب انه قادرٍ يلوي iiيديه

نوب يتأسف ويرسل لي iiورودي
ويتعذر عن خطايا iiاوليه

ونوب يقبل شايلٍ قلبٍ iiودودي
ونوب يقفي ويتمنالي iiالمنية!!

ويوم جده يلتقي بآخر iiجدودي
اذكر ان جدي موصيني وصيه

قال لي يا البندري (خوذي iiعقودي)
وافهميها واحفظيها يا iiالذكية

ادمحي الزلة ليا جت من iiحقودي
اعتلي عنه كما نجم الثريا

لالفتك الزلة ابدي iiبالصعودي
اسفهيها واقفلي باب iiالقضية

و ولو ولد عمك خطا .. ابدي البرودي
احشميه يحشمك كل iiالبقية

ما انتي اللي تنصفق منها الخدودي
ترفعين الراس في روحة iiوجية





جدي الله يرحمه خط iiالحدودي
والتزامي في كلامه مو iiخطيه

جاب علمه والوصايا iiوالعهودي
قدها وقدود وعزومي iiقويه

[الـــصـــعــــب]

انت .. وانا









هب نسناس البراد وفاح في صدري iiغرام
وانطلق ودّي يدوِّر في المتاهات iiويحوم


وسقت لك خطوة غلا تتبع لها خطوة iiهيام
وجبت لك قلبٍ عليه من احتياجه لك iiوسوم


وشلت لك شوقٍ يداعب طيفك بكل iiاهتمام
و رد لي شوقي يجر اذيال خيبته مهزوم..!


واشتعل فيني فتيل الشك واسرف بي و iiحام
ايه احبك .. بس مدري وش اقول ومن الوم؟


ول ياكثر الجروح اللي تجي مثل السهام
وآآه ياكثر العلوم اللي تجي فيها iiعلوم


لو تساورني شكوكي ما على مثلي ملام
المواري واضحة والنفس ياخلي iiتشوم!


يوم صوّر لي ابليس انك على عكس iiالنظام
انعميت احسب شكوكي شي واضح iiومحسوم!


يمكن اسلوبي خطا ، صغت العتب وسط iiاتهام
بس وشلون تتمادى وانت ابخص iiبالسلوم؟


صح انا يوم انفعلت اخطيت في بعض iiالكلام
كنت اظنك في هوى غيري تخيّر او iiتسوم..


كان واجب تحتويني في هدوء iiوفانسجام
وانت قمت تشيل غيضك كني اشد iiالخصوم


صار مبداك التجني شلت لي سيف الخصام
سَلّه بوجهي خفوقٍ كنت اظن انه iiرحوم



طعنتك لي شي عادي! كنها برد iiوسلام
اثرك اللي ناطر الزلة لجل تبدي الهجوم !


ماتخاف الله ولاتراعي حلال ولا iiحرام
هذا وانته اجودي تنعد من ضمن iiالقروم


انكسرت وقسوتك خّلت احاسيسي iiحطام
كلها عندي بكوم وصدتك عني iiبكوم


كلٍ يعلّم هوى باله تفاصيل iiالغرام
الا انا علمتني وشلون تجريع iiالهموم


الخطا وارد وانا اخطيت مثلك iiبالتمام
ودّي اسعى بالرضا لو هو على حب iiالخشوم


وانت لازم تعتذر والعذر ما يرخص iiمقام
واحضن كفوفي وانا باقبّل كفوفك iiواقووم


غيرة ، وحب ، وزعل ، واخلاص.. ود واحترام
ذا خليط الحب .. واحساسي يجي عند اللزوم ii!!


يعني لو ازعل .. ابي منّك معاملة iiالكرام
كان تبغى حبّنا يبقى على طول iiويدوم


أي نسناس وبراد..؟ وأي شوقٍ iiواهتمام
ليت ما ضاقت علي .. ولا لفح وجهي iiسموم

[الـــصـــعــــب]

المسافات الطويله









حبيبي والعلاقة بيننا تدعو iiللاستغراب
احبك والمسافات الطويلة بيّحت iiسدي
احبك والوصل في مجتمعنا زلة(ن) تنعاب
وعادات القبايل حكمها ماهوب iiينردي
صحيح ان روحنا وحده ولكن نعتبر اجناب ii!
وجدك بالقسا في هالمواقف يشبه iiلجدي
وقلبك شاري(ن) قربي .. ودوني وقفوا iiاحزاب
تبيني يوم ابي وصلك .. ولكن عاجزة iiيدي!
ويدك عاجزة ايضا .. ولاتقدر تدق iiالباب
ولاهي قادرة تمسح دموع(ن) سالت iiبخدي
أكابر يوم اشوفك واحتفي بك ياهلا iiمرحاااب
واقول اصبر فديتك مالنا غير الصبر iiبدّي
ولاني ناوية قلبك بلوم وشرهة(ن) iiوعتاب
احاول آتصبّر واحبس همومي ولا أبدّي
وانا اللي فاهمة وضعك.. وانا اللي عارفة iiالاسباب
وانا اللي بالمصايب ما فٍ هالدنيا احد iiقدي
وانا ماني أنانية .. ولو قلبي بحبك iiذاب
وانا ادري حظي الاقشر وقف من دونك iiوضدي
ولان التضحية بالحب ماهي دردشة iiوالعاب
نويت اضحي بحبي لاجل سعادة iiمودّي
رجيتك تبتعد عني وقلت ارحل ولا iiترتاب
خلاص اليوم ترسيم الحدود .. وذاااك هو حدي!
وابيّن قوة العاشق واشيل الساس iiوالأطناب
واقول من الهوا جزنا.. مع انه صدق iiماودي!؟
ورحت بعيد عن عيني وزولك عن عيوني غاب
وانا عقبك ما غير ابكي والوم الحظ iiالمصدي
صبرت وضاعت الحيلة.. خيالك ساكن الاهداب
وطيفك كنه موصًّى يمر القلب iiويعدي!
زبنت النت من بعدك.. دخلت بمنتدى iiالمرقاب
عساني انشغل عنك وازيد بقسوتي iiوصدي
وصرت اكتب لهم عنك قصايد كلها iiاعجاب
وهم ماقصروا فيني عجبهم شعري iiوعدي
وكم قالوا لي ابدعتي.. وكم صفوا لي الالقاب
ومع ذلك عجزت اسلى وجرحي دوم iiيشتدي
وانا والمنتدى صارت علاقتنا كما iiالاصحاب
احسه يفرح لفرحي.. وفي همي لي iiيهدي
وفي لحظة ضعفت وجابني لك شوقي الغلاب
سبب بعض الهجوس اللي تجيب الهم iiوتودي
وشلت بداخلي روح(ن) تبيك وخافق(ن) iiمنصاب
لقيتك جايني والحال متغيّر و iiمتردي؟
علامك هيكل(ن) محني؟؟؟ علامه عارضك قد شاب؟؟
سألتك وانتظر منك جواب(ن) كافي iiوردي
بعادي هو سبب همك؟؟ جعل يفدونك iiالاحباب
تعال وشرهتك عندي وباب البعد ينسدي
تعال وخل احاسيس الغلا في خافقي تنساب
ترا ما اقدر على بعدك .. انا احاكيك من جدي
خلاص اليوم ماني حاسبة لاحدن سواك iiحساب
ماعاد ابعد عن عيونك ولو هالكون iiينهدي
خلاص اليوم.. لاحيرة.. ولا لوعة.. ولا iiاستغراب
انا اتحدى البشر لاجلك ولاجلي انت iiمتحدّي

[الـــصـــعــــب]

يا صاحبي









مات الحكي وتبعثر الصدق iiبالزيف
حيل الله اقوى يا الليال iiالطويله
كلن على راسي وقف في يده iiسيف!
كلن يبي يقتص بايّة iiوسيله؟
احدن كتب له (فلم) حبكة iiوتاليف
وحكاية(ن) من الف ليله iiوليله
وأضاف لحكايَته (فصلين) تحريف
شوّه بها كل الفصول iiالجميله
وأسقط من القصة فصول iiوتعاريف
واركى على غيره حمول(ن) iiثقيله
أصل الحكي كله [ معازيب مع iiضيف]
والضيف قفى والردا في شليله؟
قابل معازيبه بطيب(ن) iiوتشريف
وهم احتفوابه بالنقا iiوالفضيله
واقفى يتمتم في ردي iiالسواليف
يطعن معازيبه وحاز iiالرذيله
ماني باقول شلون..؟ او ليه..؟ او كيف؟
باقول بس المستمع عزتيله ii!!
ولا انت ياللي كنت لي نشوة الكيف
جيتك عليله ورحت منك عليله
بدا النهار أحباب عشق.. ومواليف
وخيّم ظلام الليل وحدي iiقتيله
اقبلت تضحك لي.. وخليتني iiمعيف؟
وصارت محبتنا شبه iiمستحيله؟
صحيح احبك مير كثر التكاليف..
..زادت , وانا مالي على القلب iiحيله
لا ما رجيتك لو غدا ليلي iiمخيف
المقفي ان قفّى.. حشا ما iiاجيله
ليل الشتا من صدمتي انقلب iiصيف
والحظ مال وزاد بالقلب iiميله
لانته بكامل في جميع iiالتواصيف
حتى تولع لي براس الفتيله؟؟
مع انه البارح لفا خاطري ii(طيف)
زولك تهيّا .. في دقايق قليله
ولنّي ماحب اكون في موقف iiضعيف
صديت عن طيفك وصرت البخيله
لك مني ارحل وانت خل الملاقيف
يحكون لك عن كل ميله وعيله!
وان جيت يمّك/لك ذل iiوتحاسيف
نذر(ن) علي لاقص كل iiالجديله

[الـــصـــعــــب]

المفيد المختصر









ماعاد لي رغبة على طرق القوافي iiوالشعر
ملّت احاسيسي وهوجاسي حروفي iiملّها


يا لايمي وشلون ابكتبها شعر ولا iiنثر
(الغصة) اللي كرّهتني في حياتي iiكلها


وشلون اترجمها وانا نفسي عجزت القى iiعذر
للدمعة اللي راودتني واستحيت iiاهلّها


ساعات اقول الدمع راحة.. وادفع الونة iiمهر
ياكثرها دموعي ولكن عبرتي ياقلّها!


ولاقلت ابدفن عبرتي واحفر لها فيني قبر
القى دموعي تنهمر تشكي (تجافي) iiخلّها!


الصاحب اللي كنت اعدّه مسندٍ لي iiبالعسر
عقّد روابط حبنا وبيوم واحد .. iiفلّها


جيته وفا.. جاني غدر / جيته وصل.. ساق الهجر
يتّم احاسيسي بعد ما حلّها iiواحتلّها


ماجيت له اثنى فقط.. جيته عقل حب iiوفكر
جيته جنون وعاطفة .. بنتٍ غريبٍ iiدلّها


وكم قلت له ترا التلاعب بالعواطف له iiضرر
اما نذوب (انت وانا) ولا المشاعر خلّها ii؟


العاطفة ماهي سوالف / او شراكة/ او iiخشر
سحابة الاشواق تجمعنا (فقط) في ظلّها ii..


قال : الجفا.. صفقت له ! واقفى يبعثرني iiقهر
وداجت بصدري ونةٍ ازريت اداري غلّها ii!!


فوضى احاسيسي كبيرة ما لها عد iiوحصر
فوضى تفاصيل الجفا عجزت الاقي iiحلّها


والحين جاني يعتذر لي ويتساقط لي iiمطر؟
ديمة (اسف) عن زلةٍ بالعمد جار وزلّها !؟


يا لايمي ما هو عذر.. (هواوي وقلبه iiخضر!)
كل تجربة حبٍ يبيها دقها مع iiجلّها


هو اللي بادر بالجفا وانا قنوعة iiبالقدر
لا يعتذر لي ويتوسل (ليتها او علّها)


صحيح ابي وصله ولكن..! عزتي فيها iiكبر
ترفض تنازل للذي حاول بيوم iiيذلّها؟


والغصة اللي ناشبتني بين ضلعي والصدر
جاته بكيفي مدري هو اللي بصدّه iiتلّها


يا لايمي ليه العتب؟ دوك المفيد iiالمختصر
البندري ملّت من اللي (ظنّت) انه iiخلّها


حتى ولو كابر وجاني يعتذر عن iiالغدر
خلّه يسجلني هنوفٍ ما قدر iiيوصلّها

[الـــصـــعــــب]

اشهد انك بالقسا قلت ووفيــت









اليوم لك ثاني مع راحة iiالبال
وانا بعد همي له اليوم iiثاني
اليوم تاركني اناظر iiبالاطلال
صورة..رسالة .. حلم..جرح واماني
ليلي قضيته بين همٍ وغربال
وأقول في نفسي حبيبي( iiنساني)
غنيت انا عقبك من الضيق iiموال
يومك تسمّع للطرب iiوالأغاني
لي دمعةٍ من فوق الأوجان iiتختال
يومك تلاعب مترفات iiالبناني
وبي عبرةٍ منها المخاليق iiتهتال
ياعبرتي لاتفضحيني iiعشاني!!
ياعبرتي خلي لك الصدر iiمنزال
لاهوب بك داري.. ولاهوب عاني
مشغول له في ترفةٍ حالها iiحال
ماهوب فاضي لعبرتي او iiجناني
في يوم واحد نسّته كل iiالامال
وش عاد لو يدري بشوقٍ iiغشاني؟
ماهوب مثل اول هذاك الغلا iiزال
عزاه كيف الود زال iiبثواني
عِشرة سنينٍ خمس ياكيف iiتنزال
وتحط في قلبك هنوفٍ iiمكاني؟
ما كنت أظنك تجحد الود لا iiطال
أثرك على طريف .. وتبيني اعاني
قد قالوا ان البعد والصد iiقتال
وانا اشهد انه علةٍ iiبالمحاني
يومي أشوفك لابسٍ بشت iiوعقال
والشارب الاسود وزولٍ سباني
وعروستك من الحيا ترخي iiالشال
وترسل لها بسمة تزيد iiامتهاني
دمعي بلا علمي على وجنتي سال
اشتقت لك.. ليتك تحس بحناني
ليتك تشوف الحال يا متلف الحال
بس التفت لي شوف شالله iiبلاني
نصيتها تضحك لها لاهيٍ iiسال
واقول ياليته حبيبي iiنصاني!!
الله يا دنيا التعاسة iiوالاهوال
الله يستر وش يخبي زماني؟
غلطانة اللي تعشق اليوم iiرجال
مهما حلف بالود .. يبقى iiاناني
وقلب الرجل ما به من الحب iiمثقال
والبنت ترفة.. قلبها ما iiيداني
حاولت اعبّر.. والقلم في يدي iiمال
من هول مابي انعقد بي iiلساااني

[الـــصـــعــــب]

الألم.. والأمل









الظروف لسود الايام iiتتحلوا
تشتهي في كل لحظة iiتمتحني
تنتقي من بين هالغالين iiنقوى
من حبيب أو أخ أو (طفل ) احتضني!!
وتتفاوت بين جرح وبين iiبلوى
أو مرض ولا حبيبٍ لي iiطعني
لين صارت لي دموع العين iiسلوى
وصرت أراعي هالدموع اللي رعني
وان نشدتوني ضلوعي ويش تحوى
باسرد المكنون في حرص iiوتأني


صح انا مو أم .. لكن iiآتشهوى
طفلٍ أعطيه العواطف بالتبني
فطرة الله خصّها في بنت iiحوى
(الامومة) حلم الاثنى iiوالتمني
وقدّر الله في حياتي طفل iiيسوى
بالغلا روحي وغيره ما iiشحني
وصار حبه يرتفع بي iiويتعلوى
وانشدوا قلبه عن احساسي iiوعني؟
لين شفته شوف عينَيْ iiيتلوى
وارجي آمال الشفا.. مير iiسفهني!
صرت اشوفه والمرض سوى iiوسوى
لولا ايماني بربي.. كنت iiاجني!
وبسبب ضيقه رفعت ألفين iiشكوى
وشلت لي موال حزنٍ فيه iiاغني
من سمعني قال طربانة iiوتهوى
ومن نشدني أبسم له (يعنني) !!
ولا انا من كف الأيام iiأتقهوى
من فناجيل الألم ياما iiروني
أجرع الامرار لين النفس iiتروى
وأشرب دلال القهر ظلم iiوتجني
اذكر اني في حياتي ما اتهقوى
هقوةٍ وتزين لي ويزين ظني!
أطرق أبواب الأمل من دون iiجدوى
و(الأمل) يصبح (ألم) فيني iiومني
ويش أسوي دام بي جرح iiيتطوى
جا يدوّر له سكن فيني.. iiكأني..
صرت للحرمان ملجا.. بيت .. مأوى
وصرت اهلّي بالجروح اللي iiلفني
بالطواريق أتوسل iiواتعزوى
القوافي حيلتي والهم iiفني!
اختلافي والفرح يكبر iiويقوى
كاختلاف المذهب الشيعي iiبسني
صاحبي.. ركز معي ياطير iiشلوى
كان تسمع شورتي (ابعد) لأني..
من كثر طعم الحزن أشعر iiبنشوى
واشعر ان الهم بالقلب iiمتهني!
يمكن ان الهم فيني فيه (عدوى)
تنتقل لك من عذابٍ بي iiسكني!!
يعني افهم .. ما ابي لك زود iiعنوى
واترك دروبٍ بها جمرٍ iiيكني
ياهمومي.. كن حالي صار أشوى؟
وينك ابطيتي .. عليك القلب iiحني!!